گوتەبێژى بەنزینخانەکانى سلێمانى رایگەیاند، نرخى هەر سێ جۆرەکەى بەنزین بۆ هەر لیترێک 25 دینار کەمکراوەتەوە.

بەهمەن قادر، گوتەبێژى بەنزینخانەکانى سلێمانى بە کەناڵ8ـی گوت، "نرخى بەنزین بۆ هەر سێ جۆرەکەى نۆرماڵ و موحەسەن و سوپەر بۆ هەر لیترێک 25 دینار کەمکراوەتەوە، هۆکارەکەشى زۆرى سوتەمەنى بەنزین و کەمبوونەوەى خواستە".

لە سلێمانى یەک لیتر بەنزینى نۆرماڵ لە 950 دینار بۆ 925 دینار و موحەسەن لە 1,150 بۆ 1,125 دینار و سوپەر لە 1,300 بۆ 1,275 بۆ هەر لیترێک دابەزیوە.

رۆژانە زیاتر لە یەک ملیۆن و 800 هەزار ئۆتۆمبێل لە هەرێمی کوردستان بە بەنزین کار دەکەن  کە پێویستىان بە حەوت ملیۆن لیتر بەنزین هەیە.