یەکێک لە گومانلێکراوەکانی رووداوەکەی لیام پەین دەستگیرکرا
حەسەن فەلاح 05/01/2025

بە تۆمەتی پێدانی ماددەی هۆشبەر، یەکێک لەو گومانلێکراوانە دەستگیرکرا، کە لە دۆسیەی مردنی لیام پەین تێوەگلاون.
هەینی رابردوو، پۆلیسی ئەرجەنتین، پاڵپشت بەو بەڵگانەی لەبەردەستیاندایە، پیاوێکیان بە تۆمەتی پێدان و بەخشینی ماددەی هۆشبەر بە لیام پەین دەستگیرکردووە، کە لە شەوی مردنەکەیدا، مامەڵەی لەگەڵ کردووە.

لیام پەین، یەکێک بوو لە دیارترین گۆرانیبێژەکانی بەریتانیا و جیهان، لە سەردەمی دروستبوونی گروپی وەن دایرێکشن، لە سەرەکیترین ئەندامەکانی بوو، رێکەوتی تشرینی یەکەمی ساڵی رابردوو، لە تەمەنی 31 ساڵییدا و بەهۆی کەوتنە خوارەوە لە نهۆمی سێیەمی باڵەخانەیەک لە ئەرجەنتین، گیانی لەدەستدا.
ئێستا لێکۆڵینەوەکان پێشنیازی ئەوە دەکەن، هۆکاری کەوتنە خوارەوەی لیام پەین، لەهۆشچوون بووە و بەهۆی ئەو ماددەی هۆشبەرەوە هۆشی نەماوە کە لەو شەوەدا بەکاریهێناوە.
loading....