ناوەڕاستی هەفتەیە و ئەمڕۆ سێشەممە قۆناغی پێشکۆتایی جامی کاراباو کەپ، یاریی نێوان نیوکاسڵ یونایتد و ئارسیناڵ لەخۆدەگرێت.

ئارسیناڵ لە یاریگەی ئیماراتسی تایبەت بەخۆی و لەنێو ئاپۆڕای هاندەرانیدا کاتژمێر 23:00 بەکاتی هەرێمی کوردستان میوانداریی نیوکاسڵ دەکات.

لەم یارییە یەکێکیان بلیتی قۆناغی کۆتایی جامەکە یەکلاییدەکەنەوە، بلیتەکەی دیکەش لەنێوان تۆتنهام و لیڤەرپووڵ سبەی چوارشەممە یەکلاییدەکرێتەوە.

ئەم یارییە سەنگی مەحەکە، ئارسیناڵ لە قۆناغی چارەکی کۆتایی لە کریستاڵ پاڵاسی بردەوە و نیوکاسڵیش لەو قۆناغەدا لە برێنتفۆردی بردەوە.

گەنەرز لەم وەرزەدا تەنیا سێ شکستییان هەیە و خاوەنی دوو ناسناوی کاراباوە، لە بەرامبەردا ماگپایز تەنیا پێنچ شکستییان تۆمارکردووە و پێشتریش ناسناوی کاراباوییان نەبردووەتەوە.

لە ئارسیناڵ، میکێل ئارتێتا بێبەشدەبێت لە تواناکانی نوانێری، ساکا، ستێرلینگ، تۆماسیو، وایت و گومان لە بەشداریکردنی کای هاڤێرتیش هەیە، لە نیوکاسڵیش هەریەکە لە کرافت، پۆپ، سکار، ویڵسۆن ئامادەنابن.

پێکهاتەی پێشبینیکراوی ئارسیناڵ:

رایا

لیویس سکێڵی، کیویۆر، سالیبا، تیمبەر

رایس، یۆرینیۆ، ئۆدیگارت

ترۆسارد، خیسۆس، مارتینێلی

پێکهاتەی پێشبینیکراوی نیوکاسڵ:

دوبراڤکا

لیڤرامێنتۆ، دان بەرن، کێڵی، هاڵ

ویڵۆک، تۆنالی، جۆلێنتۆن

مەرفی، ئایساک، گۆردن