دواى تەشەنەسەندنى ئاگر لە شارى لۆس ئەنجلسى ویلایەتى کالیفۆرنیا و نزیکبوونەوەى لە ناوچەى بەناوبانگى هۆڵیوود، دانیشتووانى ناوچەکە ناچار کران ماڵەکانیان جێبهێڵن.
بەڕێوەبەرایەتیى ئاگرکوژێنەوەى لۆس ئەنجلس رایگەیاندووە، ئاگرەکە بووەتە هەڕەشەى راستەوخۆ لەسەر ژیانى دانیشتووان، فەرمانى یاسایى دەرکراوە بۆ چۆڵکردنى.
روونیشکراوەتەوە، ناوچەکە بەرووى هاوڵاتییان و سەردانیکەراندا قەدەغەیە و بۆیان نییە بچنە ناوى.
بەگوێرەى میدیاى ئەمریکا، ئاگرى دارستانەکانى کالیفۆرنیا بەتەواوەتى تەشەنەى سەندووە و تەنیا چەند سەد مەترێک لەناوچەى هۆڵیوودەوە دوورە.
فۆتۆ: AFP & AP
