یاریی چوونی دێربی مێرسیساید لە نێوان لیڤەرپووڵ و ئێڤەرتۆن بە باشی کۆتایی نەهات، کاتێک بەهۆی پێکدادانی یاریزانەکانەوە ناوبژیوان کارتی زەرد و سووری بەرووی چەندین یاریزانی هەردوولا بەرزکردەوە.

لیڤەرپووڵ ئەمشەو کاتژمێر 22:00 لە یاریگای ئانفێڵد و لە گەڕی 30ــی پرێمەرلیگ میوانداریی ئێڤەرتۆن دەکات.

برینی لیڤەرپووڵ تەنیا بە بردنەوە چارەسەر دەبێت، چونکە لە چامپیۆنزلیگ کرایە دەرەوە و لە جامی کاراباویش نازناوەکەی بەرامبەر نیوکاسڵ لەدەستدا.

لیڤەرپووڵ بە کۆکردنەوەی 70 خاڵ پلەی یەکەمی ریزبەندیی گرتووە، دوایین بردنەوەیان لە پرێمەرلیگ دەگەڕێتەوە بۆ 8ـی 3.

لە بەرامبەردا ئێڤەرتۆن بارودۆخی جێگیر نییە و بە کۆکردنەوەی 34 خاڵ پلەی 15ــی ریزبەندیی گرتووە، دوایین دێربییان بە 2-2 بەیەکسانبوون کۆتاییهات.

لەم یارییەدا، ئارنی سلۆتی راهێنەری لیڤەرپووڵ، لە تواناکانی کۆنۆر برادلی، جۆو گۆمێز و ئەلێکساندەر ئارنۆڵد بێبەشدەبێت.

لە ئێڤەرتۆنیش، دەیڤد مۆیس لە تواناکانی کالڤێرت لوین، مانگالا و ئێندایای بێبەشدەبێت.

پێکهاتەی پێشبینیکراوی لیڤەرپووڵ:

کێڵەر

رۆبێرتسۆن، ڤان دایک، کۆناتێ، کوانسا

ماک ئالیستەر، گراڤنبێرک، سۆبۆسلای

گاکپۆ، دیاز، سەڵاح

پێکهاتەی پێشبینیکراوی ئێڤەرتۆن:

پیکفۆرد

ئۆبرین، تارکۆڤسکی، برانوایت، یەنگ

گوای، گارنەر

لیندستۆرم، دۆکورێ، هاریسۆن

بێتۆ