گرنگترین هۆکارەکانی تووشبوونی خانمان بە نەزۆکی ئەمانەن:

• نەخۆشیی فرەکیسیی هێلکەدان PCOS
• پووکانەوەی پێشوەختەی هێلکەدانەکان (خانمەکە پێشوەختە واتە پێش تەمەنی 40 ساڵی، لە سووڕی مانگانە دەوەستێت)
• زیادبوونی هۆرمۆنی پرۆلاکتین کە پێشی دەگوترێت هۆرمۆنی شیر
• گرفتەکانی جۆگەی فالووپ وەکو گیران و تێکچوونی بۆرییەکانی فالووپ، ئەمەش زۆرجار بەهۆی هەوکردنی حەوز، هەوکردنی سێکسی، یان نەشتەرگەریی پێشووەوە روودەدات
• هەبوونی بەشێکی ناوپۆشی منداڵدان لە دەرەوەی منداڵدان (ئیندۆمیتریۆسس)
• گرێی ریشاڵی یان گۆشتی زیادەی منداڵدان
• گرفتی زگماکی وەکو منداڵدانی دووفاق
• تەسکبوونەوەی ملی منداڵدان
• توانای منداڵبوون لەدوای تەمەنی 35 ساڵییەوە بەشیوەیەکی بەرچاو کەمدەبێتەوە، هۆکاری ئەمەش دەگەڕێتەوە بۆ کەمبوونەوەی ژمارە و کوالێتیی هێلکەکانی خانمەکە
• هەندێجار هۆکاری نەزۆکییەکە روون نییە، واتە لە نزیکەی %10-%20ـی حاڵەتەکاندا هیچ هۆکارێکی دیاریکراو دەستنیشان ناکرێت

د. دالیا دلێر نووری رەشید، پزیشکی پسپۆڕی ژنان، منداڵبوون و نەزۆکیی ژنان و پیاوان