میزبەخۆداکردن بەشێوەیەکی گشتی بریتییەلە تەڕکردنی جێگەی خەوتن لەدوای تەمەنی پێنج ساڵی، بەڵام پێش ئەو تەمەنە ئاساییە چونکە لەو قۆناغەدا منداڵ توانای کۆنتڕۆڵکردنی میزڵدانی بەتەواوی  پێنەگەیشتووە.

ھۆکارەکانی میز بەخۆداکردنی منداڵان :

• لە کوڕاندا زیاترە وەکو لە کچان.
• ھۆکاری بۆماوەیی: دایک یان باوک، خوشک و برا هەیبووبێت ئەگەری زیاترە، لە 50% زیاتر هۆکاری بۆماوەیین.
• ھۆکاری دەروونی: وەکو لەدایکبوونی منداڵی تازە، کێشەی خێزانی، کێشەی قوتابخانە و پشتگوێخستنی منداڵ.
• ناڕێکی لە دروستبوونی سیستمی میزەڕۆ بە زگماکی.
• هەوکردنی میزەڕۆ.

چارەسەر

• سەرزەنشت نەکردن و سزانەدان و نەشکاندنی منداڵ لەسەر خۆتەڕکردن.
• پاداشت کردن و هاندانی منداڵ کە بتوانێت خۆی تەڕنەکات.
• راهێنانی منداڵ کە بتوانێت شەوانە جارێک یان دوو جار هەستێت بۆ میزکردن.
• بەکارهێنانی دەرمان.

د. هەردی تاریق، پسپۆڕی نەشتەرگەریی گورچیلە و میزەڕۆ