کۆبوونەوەی هەردوو شاندی باڵای دانوستانکاری یەکێتی و پارتی لە پیرمام کۆتاییهات و لە راگەیەندراوێکی هاوبەشدا دەڵێن، کۆبوونەوەکە لە کەشێکی دۆستانە و ئەرێنیدا بەڕێوەچوو.

پەیامنێری کەناڵ8 لە هەولێر گوتی، کۆبوونەوەکە نزیکەی کاتژمێر و نیوێکی خایاندووە و دابەشکردنی پۆستەکانیان تاوتوێکردووە.

هەردوو شاندی باڵای دانوستانکاری یەکێتی و پارتی لە راگەیەندراوێکى هاوبەشدا ئاماژەیان بەوەکردووە، گفتوگۆکان هەنگاوی ئیجابی و بەرەوپێشچوونی باشیان هەبووە و لە رۆژانی داهاتوودا کۆبوونەوەکان بەردەوام دەبن

بەگوێرەی زانیارییەکانی پەیامنێری کەناڵ8، لە کۆبوونەوەکەدا چوار سەرۆکایەتییەکە و پۆستی راوێژکاری ئەنجوومەنی ئاسایشی هەرێمی کوردستان وەکو یەک پاکێچ گفتوگۆیان لەسەر کراوە.

گوتیشی، لە کۆبوونەوەکەدا هەردوولا داواکاریی خۆیان خستووەتەڕوو، بەڵام لەسەر دابەشکردنی پۆستەکان نەگەیشتوونەتە رێککەوتن.