یەکێک لە یارییە چارەنووسسازەکانی ئەمشەوی چامپیۆنزلیگ لە نێوان بایرن میونشن و ئینتەرمیلانە، کە کاتژمێر 22:00 بەکاتی هەرێمی کوردستان رووبەڕوودەبنەوە.

بڕیارە ئەمشەو کاتژمێر 22:00، لە یاریی گەڕانەوەی قۆناغی چارەکی کۆتایی چامپیۆنزلیگ، ئینتەرمیلان لە یاریگای جیۆسیپی میاتزا میوانداریی بایرن میونشن دەکات.

یاریی چوون، لە یاریگای ئالیانز ئارێنا، باییرن بە ئەنجامی 1 بە 2 گۆڵ شکستی بەرامبەر مارە شینەکانی ئینتەر نووسیەوە.

باڤارییەکان رکابەریی سەخت دەکەن لەسەر نازناوەکانی چامپیۆنزلیگ و بۆندسلیگا، کە وەرزی رابردوو هەردووکی لەدەستدا.

لە بەرامبەردا مارە شینەکانی ئینتەریش یەکێکن لە بەهێزەکانی ئەم وەرزە و ئامانجییانە نازناوەکانی چامپیۆنزلیگ و سێریا ئەی ببەنەوە.

بۆ ئەم یارییە، سیمیۆنی ئینزاگی، راهێنەری ئینتەرمیلان لە تواناکانی دەمفریس، زێلینسکی، ڤالێنتین، کۆرێیا بێبەشدەبێت.

لە ریزەکانی بایرنیش هەریەکە لە بەچمان، دەیڤیس، ئیتۆ، موسیالا، نۆیەر و ئۆپامێکانۆ بۆ ڤینسێنت کۆمپانی راهێنەر بەردەستنابن.

پێکهاتەی پێشبینیکراوی ئینتەرمیلان:

سۆمەر

باستۆنی، ئاکێربی، پاڤارد

ئاگوستۆ، میکیتاریان، چالهانۆگلو، بارێیا، دارمیان

مارتینێز، تورام

پێکهاتەی پێشبینیکراوی بایرن میونشن :

ئوبریخ

لائمەر، دیێر، کیم، ستانیسیچ

کیمیچ، گۆرێتزکا

ئۆلیس، گوێرێرۆ، سانێ

کەین