شەوى رابردوو لە شارۆچکەى ئامێدى سەر بە پارێزگاى دهۆک شەڕ و پێکدادان لەنێوان پەکەکە و سوپاى تورکیا روویدا و فڕۆکەکانی تورکیا هێرشیانکردە سەرناوچەکە و پەکەکە وەڵامى هێرشەکەى دایەوە.

پەیامنێرى کەناڵ8 لە دهۆک رایگەیاند، فڕۆکەکانی تورکیا چەند ناوچەیەکى گوندەکانى گوهەزرێ و بلاڤەیان لەسنووری ئامێدی بۆردوومانکردووە.

گوتیشى، پێکدادانەکە ترسى لەناو هاونیشتمانییانى سنوورەکە بڵاوکردووەتەوە و تا ئێستاش زیانەکانى نەزانراوە.

ئەگەرچى پارتى کرێکارانى کوردستان لەدواى پەیامەکەى عەبدوڵا ئۆجەلان بۆ ئاشتیی ئاگربەستى تاک لایەنەى راگەیاندووە، بەڵام تورکیا بەردەوامە لە هێرشەکانى بۆسەر بنکە و بارەگاکانى پارتى کرێکارانى کوردستان.