مۆزەخانەی لۆڤەر دڵۆپە دەکات و مەترسیی لەسەر پارچەکان دروستبووە
حەسەن فەلاح 08/05/2025
مۆزەخانەی لۆڤەر، لە دۆخێکی نالەباردایە و بەهۆی دڵۆپەی بنمیچەکانییەوە، مەترسیی لەسەر تێکچوونی پارچە هونەرییەکان دروستبووە.
چاودێرانی بواری هونەر لە پاریس، لە نزیکەوە مۆزەخانەی لۆڤەریان پشکنیوە و زەنگی ئاگادارکردنەوەیان لێداوە.
جەخت لەوە دەکەنەوە؛ چەندین درز و کەلێن لە بنمیچ و دیوارەکانی ئەم مۆزەخانەیەدا دروستبوون و بەهۆیانەوە دڵۆپە دەکات، ئەمەش راستەوخۆ مەترسیی لەسەر پارچە هونەریی و مێژووییەکان دروستدەکات.
بە بڕیاری حکومەتی فەڕەنسا و بە سەرپەرشتیی راستەوخۆی ئیمانوێل ماکرۆنی سەرۆکی وڵاتەکە، بە بڕی 750 ملیۆن یۆرۆ، پلانی نۆژەنکردنەوەی مۆزەخانەکە دانراوە و پێدەچێت تاوەکو پاش 2030 کارەکانی تەواونەبن.
loading....