/

عێراق له‌ سلێمانیه‌وه‌ ده‌یه‌وێت بگاته‌ چین

له‌ شارى سلێمانى ركابه‌رییه‌كانى پاڵه‌وانییه‌تى تۆپى سه‌رمێزى رۆژئاواى ئاسیا بۆ لاوان ده‌ستیپێكرد كه‌ یارییه‌كانى پاڵاوتنیشه‌ بۆ كۆتاییه‌كانى ئاسیا كه‌ بڕیاره‌ له‌ هاوینى ئه‌مساڵ له‌ وڵاتى چین به‌ڕێوه‌بچێت .

هه‌ڵبژارده‌ به‌شداره‌كانى پاڵه‌وانییه‌تیه‌كه‌ پێكهاتوون له‌ عێراق، قه‌ته‌رو سعودیه‌و یارییه‌كانیش له‌ هۆڵى كۆلیژى وه‌رزش و زانسته‌ جه‌سته‌ییه‌كان به‌رێوه‌ده‌چێت و ماوه‌ى دوو رۆژ به‌رده‌وام ده‌بێت .

ئه‌مرۆ به‌ ئه‌نجامدانى دوو یاریی ركابه‌رییه‌كان ده‌ستتیپێكردو قه‌ته‌ر به‌ بردنه‌وه‌ى له‌ عێراق و سعودیه‌ بلیتى یه‌كه‌مى مسۆگه‌ركردو سبه‌ى پێنجشه‌ممه‌ش به‌ یاریی نێوان سعودیه‌و عێراق و بلیت دووه‌م و كۆتایی بۆ سه‌ركه‌وتن بۆ چین یه‌كلاده‌بێته‌وه‌ .