/

کەشناسی: کەشوهەوای سبەی سەقامگیرە

سەیرانگای شەمێران لە قەزای دەربەندیخان لە سنووری پارێزگای سلێمانی فۆتۆ: حەمەسوور - کەناڵ8

کەشناسیی هەرێمی کوردستان رایگەیاند، سبەی هەینی کەشوهەوای ناوچەکان سەقامگیرە و بۆ گەشت و سەیران گونجاوە.

دیلان رەشاد، گوتەبێژی وەزارەتی گواستنەوە و گەیاندن کە کەشناسی سەر بەو وەزارەتەیە بە کەناڵ8ـی راگەیاند، ئەمڕۆ پێنجشەممە ئاسمان پەڵەهەور و نیمچەهەور دەبێت، لە کاتەکانی دواى نیوەڕۆ ئەگەری بارانبارین هەیە لەگەڵ هەورەتریشقە بەتایبەتی لە ناوچە شاخاوییەکانى سنوورى پارێزگاى دهۆک .

گوتیشی، سبەی هەینی ئاسمان لە نێوان پەڵەهەور بۆ نیمچەهەور دەبێت و بەگشتی کەشوهەوا بۆ گەشت و سەیران گونجاوە، بەڵام لە ناوچە شاخاوییە بەرزەکان ئەگەرى کەمێک بارانبارین هەیە لە هەندێک کاتدا .

 بەگوێرەی پێشبینیی کەشناسیی هەرێمی کوردستان، ئەمڕۆ سبەی پلەکانی گەرما بەرزدەبنەوە و سبەی لە گەرمیان پلەی گەرما دەگاتە 38 پلە.