گوتەبێژی وەزارەتی دەرەوەی ئەمریکا رایگەیاند، ئێستا بارودۆخ بۆ بەڕێوبردنی هەڵبژاردن لە باکوور و رۆژهەڵاتی سووریا گونجاو نییە.

باڵیۆزخانەی ئەمریکا لە سووریا، لە زاری ڤێدانت پاتێل،  گوتەبێژی وەزارەتی دەرەوەی ئەمریکاوە بڵاویکردەوە، هەر هەڵبژاردنێک لە سووریا بەڕێوەبچێت، پێویستە ئازاد و دادپەروەرانە بێت و بەگوێرەی بڕیاری 2254ی ئەنجوومەنی ئاسایشی نەتەوەیەکگرتووەکان بێت.

بە گوتەی پاتێل، هەلومەرجی باکوور و رۆژهەڵاتی سووریا بۆ بەڕێوەبردنی هەڵبژادن گونجاو نییە.

ئەوە لەکاتێکدایە، بەڕێوەبەرایەتیی خۆسەر رایگەیاندووە، رۆژی 11ـی حوزەیران هەڵبژاردنی شارەوانییەکان لە هەرێمی باکوور و رۆژهەڵاتی سووریا بەڕێوەدەبات.

رۆژی پێنجشەممەش سەرۆککۆماری تورکیا هەڕەشەی ئەوەی کردبوو، رێگا نادەن هەڵبژاردن لە باکوور و رۆژهەڵاتی سووریا بەڕێوەبچێت.