کۆمپانیای نەوتی ئێکسۆن مۆبیل، لە یەک رۆژدا هەشت ملیار دۆلارى لەدەستدا و بەهاى پشکەکانی گەورەترین زیانی بەرکەوت.

بەگوێرەى پێوەرەکانی بۆرسەى نیویۆرک، پشکەکانی کۆمپانیای ئێکسۆن مۆبیل بە رێژەی 1.5% دابەزینیان بەخۆوەبینیوە و لە ماوەی تەنیا یەک رۆژدا، هەشت ملیار دۆلاری بەهای پشکەکانى لە بازاڕدا لەدەستداوە.

ئەم زیانانە هاوکاتە لەگەڵ دابەزینی بەرچاوی نرخی نەوت و دابەزینی نەوتی خاوی رۆژئاوای تەکساس بۆ پێنجەمین خولی لەسەریەک بۆ نزمترین ئاستی لە ماوەی چوار مانگى رابردوودا.

کۆمپانیاى ئیکسۆن مۆبیلى ئەمریکى، بەهاى پشکەکانى لە بازاڕدا 286 ملیار دۆلارە و سەرەراى ئەو زیانە داراییانە، بەڵام هێشتا لە ریزبەندیی یەکەمی کۆمپانیا ئەمریکى و ئەوروپییەکانى نەوتى جیهاندایە.