ئاندی مورای له‌ شتوتگارت تووشى شكست بوو

لە پاڵەوانییەتی کراوەی شتوتگارتی پیاوان بۆ تێنسی سەرزەوی، کە لە وڵاتی ئەڵمانیا ئەنجامدەدرێت، لە یەکەم یاریی ئاندی مورای بەریتانی بەرامبەر مارکۆس جیرۆنی ئەمریکی شکستی هێنا و لە پالەوانییەتیەکە بێبەشبوو.

مورای بەختی نەبوو کاتێک یەکەم یاریی شتوتگارتی دۆڕان بە مارکۆس جیرۆنی رکابەری، ئەستێرە ئەمریکییەکە بە ئەنجامی دوو کۆمەڵەی 6 بە 3 یارییەکەی بردەوە..
ئەمە 999ــەمین یاریی مورای بوو لە سەرجەم پاڵەوانییەتیەکانی تێنس و سێجاریش ناسناوی گراند سلامی بردووەتەوە.

لەبەرامبەردا جیرۆن، کە ژمارە 54ی ریزبەندی جیهانە، ئاستێکی باشی نیشاندا و توانی خۆی بگەیەنێتە قۆناغی داهاتوو، کە تیایداروبەرووی جاک داپەر دەبێتەوە، ئاندی مورایش کۆتایی ئەم مانگە خۆی ئامادە دەکات بۆ پالەوانییەتی ویمبڵدۆن.