غەریب ئەحمەد بۆ کەناڵ8: کێشەى حاجییانى عێراق و هەرێمى کوردستان چارەسەرکرا

دیمەنێک لە کێوی عەرەفە. فۆتۆ: AFP

سەرۆکى لیژنەى ئەوقافى ئەنجوومەنى نوێنەرانى عێراق رایگەیاند "کێشەى ئەو حاجییانەى عێراق و هەرێمى کوردستان کە بە ڤیزاى گەشتیاریى چووبوونە سعودیە چارەسەرکرا".

غەریب ئەحمەد، سەرۆکى لیژنەى ئەوقافى ئەنجوومەنى نوێنەرانى عێراق بە کەناڵ8ـی گوت "ئەو هاوڵاتییانەى لە عێراقەوە بە ڤیزاى گەشتیاریى چوونەتە سعودیە دەتوانن حەج بکەن".

گوتیشى "کێشەى ئەو حاجییانەى بە ڤیزاى گەشتیاریى سعودیە بە هەماهەنگى نێوان باڵیۆزخانەى سعودیە و وەزارەتى دەرەوەى عێراق چارەسەر کرا".

جەختیشیکردەوە "ئەو هاوڵاتییانەى ڤیزاى گەشتیارییان هەیە گەیشتوونەتە کێوى عەرەفات".