کۆمپانیای کاپکۆمی بەرهەمهێنی یارییە ئەلیکترۆنییەکان، وادەی بڵاوکردنەوەی یاریی ( Kunitsu-Gami: Path of the Goddess)ی ئاشکراکرد، کە لە (ئێکس بۆک گەیم پاس) بەردەست دەبێت.
یارییەکە لە 19ی تەمموزی 2024 بەردەستدەبێت و لە جۆری ئەکشنە و لە جیهانێکی خەیاڵاوی ژاپۆنیدا رووداوەکانی روودەدەن، لە نوێترین ترەیلەری یارییەکەدا دەردەکەوێت، کە لە رۆژی یەکەمەوە لە (ئێکس بۆک گەیم پاس) یشدا بەردەستدەبێت، واتە بەشداربووان دەتوانن راستەوخۆ یاری پێبکەن.
ترەیلەرەکە شێوازی یارییەکە ئاشکرادەکات و کارەکتەرێکی نوێ بە ناوی سۆوه دەردەکەوێت کە بە کاتانا شەڕ دەکات (کاتانا جۆرێکە لە شمشێری ژاپۆنییەکان) هەروەها تۆپی ئاگرینیش یەکێکی دیکەیە لە چەکەکانی و شەری پێدەکات.
جگە لە ئێکس بۆکس، یارییەکە لە رێگەی ستێم و فرۆشگای ویندۆزەوە لە کۆمپیوتەرەکاندا بەردەست دەبێت و لەناو کۆنسۆڵی یاریکردنی ( پلەیستەیشن فۆر و فایڤ)شدا دەبێت.
