لە سلێمانی دوو بەرهەمی نوێی یاسین قادر بەرزنجی بە خوێنەران ناسێندران، کە بریتی بوون لە دوو کتێب بە ناونیشانی (چاوەکانی تابان و هەروەها هونەری دراما و رامانێک لە درامای کوردی).

لە کۆڕی ناساندنەکەدا کە ژمارەیەک هونەرمەند و خوێنەر ئامادەیبوون، هەریەک لە نووسەر و توێژەر ئاکۆ کەریم مەعروف و هەوراز محەمەد خوێندنەوەیان بۆ بەرهەمە نوێیەکان کرد.

لەبارەی کتێبەکانییەوە، یاسین قادر بەرزنجی بە کەناڵ8ـی گوت، لە کتێبەکاندا چیرۆکی خام هەن کە بۆ زنجیرەی دراما و شانۆ و تەنانەت سینەماش دەبن.

لەلای خۆشییەوە هەوراز محەمەد لە لێدوانێکی تایبەتدا بۆ کەناڵ8 باسی کارە هونەرییەکانی پێشتر کرد و بە کارەکانی ئەم سەردەمەی بەراورد کرد.