کەشناسیی هەرێمی کوردستان رایگەیاند، پلەکانی گەرما زیاتر بەرزدەبنەوە و لە گەرمیان 45 پلە دەبێت، حاجی ئۆمەرانیش فێنکترین ناوچە دەبێت و پلەی گەرما لەو ناوچەیە 30 پلە دەبێت.

بەڕێوەبەرایەتیی گشتیی کەشناسی و بوومەلەرزرەزانیی هەرێمی کوردستان پێشبینیی کەشوهەوای ئەمڕۆ و سبەی بڵاوکردەوە و رایگەیاند، ئەمڕۆ هەینی 19ـی تەمووزی 2024، ئاسمان ساماڵ دەبێت لەگەڵ هەندێك پەڵەهەور، پلەکانی گەرما بەراورد بەدوێنێ بەرزدەبنەوە.

ئاماژەی بەوەشکردووە، سبەی شەممە 20ـی تەمووزی 2024، ئاسمان هاوشێوەی ئەمڕۆ ساماڵ و پەڵەهەور دەبێت و پلەکانی گەرماش نزیکدەبنەوە لە تۆمارکراوەکانی ئەمڕۆ.

بەگوێرەی پێشبینیی کەشناسیی هەرێمی کوردستان، سبەی بەرزترین پلەکانی گەرما لە بەشێک لە ناوچەکان بەمجۆرە دەبن:

هەولێر: 44

سلێمانی: 41

دهۆک: 43

کەرکوک: 45

هەڵەبجە: 43

زاخۆ: 43

سۆران: 41

حاجی ئۆمەران: 30

گەرمیان: 45