وەزارەتی گواستنەوە و گەیاندن: گەشتی فڕۆکەخانەکانی هەرێمی کوردستان بەردەوامن
گەرمیان مەحمود 19/07/2024

وەزارەتی گواستنەوە و گەیاندنی هەرێمی کوردستان رایگەیاند، گەشتی فڕۆکەخانەکانی هەرێمی کوردستان بەردەوامن و لەگەڵ ئیماراتیش رانەگیراون.
دیلار رەشاد، گوتەبێژی وەزارەتی گواستنەوە و گەیاندنی هەرێمی کوردستان بە کەناڵ8ـی راگەیاند، تاوەکو ئێستا سەرجەم گەشتە ئاسمانییەکانی فڕۆکەخانەکانی هەرێمی کوردستان بەردەوامن و هیچ گەشتێک رانەگیراوە.
گوتیش، ئەو کێشە تەکنیکییەی زۆرێک لە وڵاتانی جیهانی گرتووەتەوە کاریگەریی لەسەر هەرێمی کوردستان نەبووە.
پێشتر وەزارەتی گواستنەوەی عێراق رایگەیاندبوو گەشتی ئاسمانیی نێوان عێراق و ئیمارات بەهۆی کێشەی تەکنیکییەوە راگیراوە.
loading....