ئەندامێکی ئەنجوومەنی پارێزگارى کەرکوک رایگەیاند، بە گوێرەی شایستەی هەڵبژاردن و ژمارەی کورسییەکان پۆستەکانی حکومەتی خۆجێی کەرکوک دابەشکراون.
پەروین فاتیح ئەندامی ئەنجوومەنی پارێزگای کەرکوک بە کەناڵ8ـی گوت، پێکهاتەکانی کورد و عەرەب و کریستیان، بەشداریی کۆبوونەوەی ئەنجوومەنی پارێزگای کەرکوکیان کردووە.
پەروین فاتیح ئاماژەی بەوەشکرد، بەگوێرەى شایستەی هەڵبژاردن و ژمارەی کورسییەکان، پۆستەکانی حکومەتی خۆجێی کەرکوک دابەشکراون.
ئەوەشی خستەڕوو، پۆستەکانی پێکهاتەی تورکمان بە بەتاڵیی جێهێڵدراوە و هەرکاتێک ئامادەبوون، پۆستەکانیان پێدەدرێت.
ئێوارەی رۆژی شەممە، 10ـی ئابی 2024، رێبوار تەها بە پارێزگار و محەمەد حافز بە سەرۆکی ئەنجوومەنی پارێزگای کەرکوک هەڵبژێردران.
