18 پۆستی حکومەتی خۆجێی کەرکوک بۆ پێکهاتەی تورکمان دانراوە

بە گوێرەی زانیارییەکانی کەناڵ8، لە نێو پۆستە ئیدارییەکانی حکومەتی خۆجێی کەرکوک 18 پۆست بۆ پێکهاتەی تورکمانی دانراوە.

ئەمشەو کۆبوونەوەی ئەنجوومەنی پارێزگای کەرکوک لە بەغداد بەرێوەچوو و تێیدا رێبوار تەها بە پارێزگار و محەمەد حافز بە سەرۆکی ئەنجوومەنی پارێزگای کەرکوک هەڵبژێردران.

بە گوێرەی زانیارییەکانی کەناڵ8، 18 پۆستی ئیداری لە حکومەتی خۆجێی کەرکوک بۆ پێکهاتەی تورکمانی لە پارێزگاکە دیاریکراوە و لە کۆبوونەوەی ئەمشەو رێککەوتنی لەسەرکراوە.

ئەو پۆستانەی بۆ پێکهاتەی تورکمانی پارێزگای کەرکوک دانراون بریتین لە:

جێگری سەرۆکی ئەنجوومەنی پارێزگا

جێگری پارێزگار

یاریدەدەری پارێزگار

راوێژکاری پارێزگار

راوێژکاری سەرۆکی ئەنجوومەنی پارێزگا

یاریدەدەری فەرماندەی پۆلیس

بەڕێوەبەرایەتیی تەندروستی

بەڕێوەبەرایەتیی دابەشکردنی کارەبا

بەڕێوەبەرایەتیی رێگا و پردەکان

بەڕێوەبەرایەتیی ئاو

یاریدەدەری شارەوانی

یاریدەدەری شارەوانییەکان

قایمقامی ناوەندی

بەڕێوەبەری ناحیەی تازە

بەڕێوەبەری ناحیەی یایچی

بەڕێوەبەری ناحیەی لەیلان

سکرتێری لیژنەی ئەمنی

بەڕێوەبەرایەتیی ژینگە