کۆمپانیای سۆنی دروستکەری ئامێری یارییە ئەلیکترۆنییەکانی پلەیستەیشن رایگەیاند، نرخی ئامێرەکانی پلەیشتەیشن 5 بە لە %20 بەرزدەکەنەوە لە وڵاتی ژاپۆن، ئەمەش بەهۆی بارودۆخی سەختی ئابووری کۆمپانیاکە لەمکاتەدا و هەڵئاوسانی ئابووری جیهانیی و بەرزبوونەوەی تێچووی بەرهەمهێنانی ئامێرەکانیان.
بڕیارەکە بەتەنها کۆمپانیای سۆنی نەگرتووەتەوە بەڵکو زۆربەی کۆمپانیا تەکنەلۆجییەکانی ناچارکردووە کە نرخەکانیان بۆ ئامێرە تەکنەلۆجییەکان زیادبکەن، کۆمپانیای سۆنیش نرخی پلەیستەیشن 5ی بۆ نزیکەی 555 دۆلار بەرزکردووەتە، دەشڵێت کە پلانیان هەیە نرخی کەلوپەلەکانی دیکەی وەک دەسکی یاریپێکردنی ئامێرەکەش زیادبکەن.
لەگەڵ ئەوەشدا کۆمپانیای سۆنی پێشبینی بۆ فرۆشی ئامێرەکانی یاریکردنی لەمساڵدا کردووە کە بەنزیکەیی 18 ملیۆن پلەیستەیشنە لەکاتێکدا ساڵی پار بڕی 20.8 ملیۆن لە ئامێرەکە فرۆشراوە، ئەمەش کەمبوونەوەیەکی بەرچاوی فرۆشی ئامێرەکان پیشاندەدات لەمساڵدا.
