لەیارییەکی دیکەدا، کە ئەمڕۆ کاتژمێر (06:30) بەکاتی هەرێمی کوردستان لەیاریگەی مۆلینیۆ ئەنجامدەدرێت، یانەی وڵڤەرهامپتۆن لەیاریگەی خۆیدا میوانداریی نیوکاسڵ یونایتد دەکات.
لەم یارییە گرنگەدا، ئێدی هاو، راهێنەری نیوکاسڵ بەهۆی راگرتنەوە لە تواناکانی فابیان شار بێبەشدەبێت، هەروەها سڤین بۆتمان، جەمال لاسێلیس و لویس مایلی بەهۆی پێکانەوە بەشداری ناکەن، گومانیش لە ئامادەبوونی جەستەیی جۆ ویڵۆک و کالوم ویلسۆن دەکرێت.
نیوکاسڵ لە سێ رووبەڕووبوونەوەی وەرزی نوێدا دوو سەرکەوتن و یەکسانبوونێکی تۆمارکردووە، بەکۆکردنەوەی حەوت خاڵ پلەی حەوتەمی ریزبەندیی یانەکانی پرێمەرلیگی گرتووە.
لەبەرامبەردا وڵڤەرهامپتۆن بارودۆخی باش نەبووە و دوو شکست و یەکسانبوونێکی هەیە و کەوتووەتە ژێر هێڵی دابەزینەوە.
