لە یەکێکی دیکە لە یارییەکانی چامپیۆنزلیگ، یانەی بایرن میونشن کاتژمێر (10:00) بەکاتی هەرێمی کوردستان، رووبەڕووی دینامۆ زاگریبی کرواتی دەبێتەوە.
یارییەکە لە یاریگەی ئالیانز ئارینا بە سەرپەرشتیی ستافێکی ناوبژیوانیی ئیسپانی بەڕێوەدەچێت، کە هاوکات یەکەمین یاریی ڤینسنت کۆمپانیی راهێنەری نوێی یانەکەیە لە خولی یانە پالەوانەکانی ئەوروپا.
بایرن لەم یارییەدا سوود لە زۆرینەی یاریزانەکانی وەردەگرێت، لەنموونەی هاری کەین، سێرج گنابری و موسیالا و ئۆلیسی، کە لە دوایین یارییەکانی بۆندسلیگاشدا بەبێ کێشە بەشدارییانکردووە.
لەرووی مێژووییەوە، بایرن بۆ جاری 17یە لەسەریەک لەم خولەدا بەشداری دەکات و ئەم دوو یانەیە لە 2015 دوو یارییان لە هەمان خولدا ئەنجامداوە، لەهەردوو یارییەکەشدا یانەکەی ئەڵمانیا براوەبووە.
