کاتژمێر (10:00)، یانەی بوروسیا دۆرتمۆندی ئەڵمانی لە دەرەوەی یاریگەی خۆی بەرامبەر یانەی کلەپ بروجی بەلجیکی یاریدەکات.
دۆرتمۆند کە پێنجەمی وەرزی رابردووە، لەم وەرزەدا لەگەڵ راهێنەری نوێ نووری شاهین، بەباشترین ئاستەوە دەرکەوتووە و لەکۆی سێ یاریی دەستپێکی بۆندسلیگا لە دوو یاریدا سەرکەوتنی بەدەستهێناو و لەدوای بایرن میونشنەوە خانەی دووەمی خولەکەی گرتووە، بەرامبەرەکەشی کە کلەپ بروجی سێیەمی وەرزی رابردووە، لەم وەرزەدا بە حەوت یاری 13 خاڵی کۆکردووەتەوە و لە لوتکەی ریزبەندیی خولی بەلجیکایە.
لەریزەکانی دۆرتمۆند، نووری شاهینی راهێنەر تەنیا لە تواناکانی جیۆڤانی رێنا بێبەشدەبێت، لەبەرامبەردا هەریەک لە بیۆرن مایەر و کاسپەر نیڵسۆن لە یانەی بروج بەشداری یارییەکە ناکەن.
لەرووی مێژووییەوە، دۆرتمۆند لەکۆی شەش یاریی نێوان دوو یانەکە، سێ سەرکەوتنی بەدەستهێناوە، بەرامبەر بە دوو شکست و یەکسانبوونێک.
