کەشناسیی هەرێمی کوردستان رایگەیاند، ئەمڕۆ سبەی باران لە ناوچە جیاوازەکان دەبارێت و پلەکانی گەرماش بەشێوەیەکی بەرچاو نزمدەبنەوە.

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاند، ئەمڕۆ پێنجشەممە، ئاسمان نیمچەهەور دەبێت، لەناوچە شاخاوییەکان هەوری تەواو دەبێت، لە کاتەکانی ئێوارە دابارینی نمەبارانی کەم کەم و هەندێکجار بۆ تاوەبارانی لاواز دەگۆڕێت بەتایبەت لەناوچەکانی باکووری رۆژئاوای هەرێمی کوردستان و ناوچە شاخاوییەکانی زاخۆ .

ئاماژەی بەوەشکردووە، سبەی هەینی، ئاسمان  نیمچەهەور دەبێت، لە ناوچە شاخاوییەکان بۆ هەوری تەواو دەگۆرێت و لە کاتەکانی بەیانی نمەباران لە ناوچەکانی پارێزگای دهۆک دەبارێت پاشان کاریگەریی بەشێوەیەکی لاواز درێژ دەبێتەوە بۆ سەر ناوچەکانی ناوەڕاستی هەرێمی کوردستان و هەندێک لە ناوچەکانی پارێزگای هەولێر، لە کاتەکانی ئێوارە کاریگەری بە لاوازی لەناوچە شاخاوییە سنووریەکانی باکوور دەمێنێتەوە   .

کەشناسی دەڵێت: سبەی پلەکانی گەرما لە ناوچە شاخاوییەکان بەتایبەتی لە ناوچە سنووریەکان و بادینان بەشێوەیەکی بەرچاو نزم دەبنەوە.

بەگوێرەی پێشبینیی کەشناسی، سبەی بەرزترین پلەکانی گەرما بەمجۆرە دەبن:

هەولێر: 33 پلەى سیلیزى

سلێمانی: 31   پلەى سیلیزى

دهۆک: 31 پلەى سیلیزى

کەرکوک: 35 پلەى سیلیزى

هەڵەبجە:  34 پلەى سیلیزى

زاخۆ :  30 پلەى سیلیزى

حاجی ئۆمەران: 20 پلەى سیلیزى

سۆران:  26  پلەى سیلیزى

گەرمیان:   35 پلەى سیلیزى