د. هاوار حەسەن نەقشبەندی، پسپۆڕی نەشتەرگەریی گشتی
بۆ ئەوانەی دەپرسن ئایا گرفتەکانی غوددە دەبنەهۆی گۆڕانی تۆنی دەنگ؟ بەڵێ، نەخۆشییەکانی غوددە دەتوانن کاریگەریی جۆراوجۆریان لەسەر دەنگەژێکان هەبێت، ئەمەش بەپێی حاڵەتە تایبەتەکە و توندییەکەی دەگۆڕێت
غوددەی تەمبەڵ: غوددەی تەمبەڵ دەبێتەهۆی تێکچوونی کارکردنی دەنگە ژێکان. ئەمەش رەنگە ببێتەهۆی توندیی تۆنی دەنگ، یان لاوازبوونی دەنگ
غوددەی فرەچالاک: غوددەی فرەچالاک لەوانەیە کاریگەریی لەسەر دەنگیش هەبێت، هەرچەندە کاریگەرییەکانی بەگشتی کەمتر دەردەکەون بە بەراورد بە غوددەی تەمبەڵ
گرێی غوددە: گرێی گەورەی غوددە لەوانەیە فشار بخاتەسەر دەنگەژێکان یان پێکهاتەکانی دەوروبەری، کە ئەمەش ئەگەری هەیە ببێتەهۆی گۆڕینی دەنگ.
نەشتەرگەریی غوددە: نەشتەرگەری بۆ نەخۆشییەکانی غوددە کاریگەرییان لەسەر ئەو دەمارانە هەیە کە کۆنتڕۆڵی سیستمی دەنگەژێکان دەکەن، ئەمەش دەبێتەهۆی لاوازی یان گۆڕانی دەنگ ئەگەر دەمارەکە لەکاتی نەشتەرگەریدا بریندار ببێت.
