ناوبینیی گەدە رێکارێکە بۆ پشکنین و بینینی کۆئەندامی هەرس و گەدە بە کامێرای بچووک کە دەکەوێتە کۆتایی بۆرییەکی درێژ و نەرم کە لەرێگەی دەم و قوڕگەوە دەخرێتە ناوەوە.

پزیشک نازوری گەدە بەکاردەهێنێت بۆ دەستنیشانکردن و هەندێجار چارەسەرکردنی ئەو نەخۆشییانەی کە کاریگەرییان لەسەر سورێنچک و گەدە و سەرەتای ریخۆڵەباریکە هەیە.

بەکارهێنانی ناوبینیی گەدە بۆ پشکنینی هەندێک نیشانە

لەوانەیە پزیشک داوا لە نەخۆشەکە بکات کە ناوبینیی گەدە ئەنجامبدات، ئەگەر نەخۆشەکە ئەم نیشانانەی خوارەوەی هەبوو وەک:

• ئازاری گەدە
• دڵەکزێ
• هەرسنەکردنی خۆراک
• قووتدانی قورس
• دابەزینی کێش بەشێوەیەکی بەرچاو بەبێ رێجیم
• هەندێک حاڵەتی کەمخوێنی ئەگەر پزیشک گومانی هەبێت کە هۆکاری کەمیی خڕۆکەسوورەکانی خوێن، خوێنبەربوونی ناوەوەیە
• خوێنبەربوونی توند کە لە شێوەی ئازاری توندی گەدەدا دەردەکەوێت، لەگەڵ ڕشانەوەی خوێن، هەروەها گۆڕانی ڕەنگی پیسایی بۆ ڕەنگێکی تۆخ

بەکارهێنانی ناوبینی بۆ چارەسەرکردن:

• چارەسەری دەوالیی سورێنچک: بە بەستنەوەی خوێنبەرە گەورەبووەکان بە لاستیک یان دەرزی لێدان
• چارەسەری برینی گەدە
• داخستنی برینی گەدە بە گەرمی.
• دەرزی لێدانی دەرمان لە دەوری برین بۆ هاندانی خوێن مەین.
• فراوانبوونی سورێنچک: ناوبینی بەکاردێت بۆ دانانی هەندێک کەرەستە کە یارمەتیی فراوانبوون و توندکردنەوەی دیواری سورێنچک دەدەن، هەروەها دەتوانرێت باڵۆن دابنرێت بۆ ئەوەی سورێنچک بە کراوەیی بمێنێتەوە.