ژنانی هۆزە جیاوازەکانی گوندەکانی بروندی لە ئەفریقا، سڵاوێکی کولتووریی دوورودرێژیان هەیە، کە لە کاتە تایبەتەکاندا بەکاریدەهێنن، بەڵام ئەم سڵاوە لەگەڵ کاتدا بەرەو کەمبوونەوە و کاڵبوونەوە دەچێت.
سڵاوەکە نەریتى وڵاتى بروندیی کیشوەرى ئەفریقای پڕ لە کولتوورى جیاوازە، سڵاوەکە بە ئاوازەوە دەکرێت، بە سڵاوى ئاکازێهی مێلۆدی ناسراوە.
لە سڵاوەکەدا ئەو دوو ژنە لە یەکتر دەپرسن: بەباشی لە خەو هەستایت؟ هەمووشتێک باشە لە ماڵەوە؟ پاشان هیوای باشی ماڵەوە و دۆخی تەندروستی خۆی و هاوسەرەکەی بۆ دەخوازێت.
سڵاوەکە ماچى تێدا نییە و تەنیا باوەش بە یەکدا دەکەن و بە گۆرانییەوە لە بناگوێی یەکتر هەواڵپرسى دەکەن.
سیلڤی بۆنیمپا، هاوڵاتییەکی ئەفریقییە و لەبارەی سڵاوەکەوە دەڵێت، "کاتێک بەم جۆرە سڵاویان لێدەکەیت و باوەشیان پێدادەکەیت، ئاماژەی رێز و خۆشەویستییە، هەست بەوە دەکەن کە خۆ بە زلزانیت نییە" .
لە چەند کاتێکى دیاریکراودا ئەم سڵاوە کولتوورییەی بروندییەکان بەکاردەهێنرێت، لەوانە کاتێک دایک و کچ بۆ ماوەیەکی زۆر یەک نابینن، بەم جۆرە پێشوازیی لە یەکدی دەکەن.
ئێستا ئەم جۆرە سڵاوە بەرەو نەمان دەڕوات و شارەزایانی کولتوورى ئەفریقاش داوا دەکەن نەریتەکە بپارێزرێت.
