یانەی ریال مەدریدی ئیسپانی دوای شکستی لە چامپیۆنزلیگ بەرامبەر بە میلان، ئەمڕۆ لە یاریگەی خۆیدا لە سانتیاگۆ بێرنابیۆ رووبەڕووی یانەی ئوساسۆنا دەبێتەوە و یارییەکە لەم کاتەدا بەردەوامە.
یانەی شاهانە لەم وەرزەی لالیگا لە 11 یاریی رابردوودا حەوت سەرکەوتن و سێ یەکسانبوون و شکستێکی تۆمارکردووە، بە کۆکردنەوەی 24 لەخانەی دووەمی خولەکەدایە و جیاوازییەکەی لەگەڵ بەرشلۆنەی رکابەریدا دەگاتە نۆ خاڵ، بەڵام یانەی شاهانە یارییەک کەمتری لە رکابەرەکانی ئەنجامداوە.
ریال مەدرید مێژووی دوایین شکستی بەرامبەر بە ئۆساسونا بۆ ساڵی 2011 دەگەڕێتەوە و لەو کاتەوە تاوەکو ئێستا 21 یارییان ئەنجامداوە و هیچ شکستێکی بەرامبەر یانەکەی پامپێلۆنا تۆمار نەکردووە، بۆیە ئەمڕۆ دەرفەتێکی باشیان لەبەردەمدایە لەنێو یاریگە و هاندەرانیاندا بگەڕێنەوە سەر رێڕەوی سەرکەوتن.
