بڕیاره‌ ئه‌مڕۆ پێنجه‌ممه‌ ركابه‌رى قۆناغى دووه‌مى پاڵه‌وانێتیی گۆڕه‌پان و مه‌یدانى یانه‌كانى عێراق به‌ به‌شداریی نزيكه‌ى 100 یانه‌ له‌ سه‌رتاسه‌رى عێراق له‌ شارى سلێمانى ده‌ستپێبكات.

ساڵانه‌ فیدراسیۆنى گۆڕه‌پان و مه‌یدانى عێراق پاڵه‌وانێتى یانه‌كانى عێراق به‌ سێ قۆناغى جیاواز رێكده‌خات و له‌ هه‌ر قۆناغێك پاڵه‌وان دیاریده‌كرێت و هه‌ڵبژارده‌ى عێراق بۆ پاڵه‌وانێتییه‌كانى ده‌ره‌وه‌ ده‌ستنیشانده‌كرێت.

ئه‌م قۆناغه‌ى پاڵه‌وانێتییه‌ ماوه‌ى 3 رۆژ له‌سه‌ر تراكه‌كانى كۆلیجى وه‌رزش و زانسته‌ جه‌سته‌یه‌كان له‌ زانكۆى سلێمانى به‌رده‌وامده‌بێت و یانه‌كانى كوردستانیش له‌و پاڵه‌وانێتییه‌ له‌سه‌ ئاستى تاك به‌شدار ده‌بن.