یانەی ریاڵ مەدرید دەیەوێت جیاوازی خاڵەکانی لەگەل بەرشلۆنەی پێشەنگی ریزبەندیی لالیگا کەمبکاتەوە و بتوانێت رکابەریی لەسەر نازناوی لالیگا بکات.

یانەی شاهانە ئەمڕۆ بە مەبەستی کەمکردنەوەی جیاوازی خاڵەکانی لەگەل بەرشلۆنەی رکابەر، لە سانتیاگۆ بێرنابیۆ کاتژمێر 22:00 بەکاتی هەرێمی کوردستان ، میوانداریی ئەتلەتیک بلباو دەکات.

لۆس بلانکۆس بە کۆکردنەوەی 66 خاڵ پلەی دووەمی ریزبەندییان گرتووە و بە جیاوازی حەوت خاڵ لە دوای بەرشلۆنەوەن.

یانەی شاهانە لەم وەرزەدا لە 31 یاریی رابردووی لالیگا، 20 بردنەوە، شەش یەکسانبوون و پێنج شکستی تۆمارکردووە.

لە بەرامبەردا ئەتلەتیک بلباو، بە کۆکردنەوەی 57 خاڵ پلەی چوارەمی ریزبەندییان گرتووە و ئامانجیان بەدەستهێنانی کورسییەکی جامپیۆنزلیگە بۆ وەرزی داهاتوو.

بلباو لە 31 گەڕی رابردووی لالیگا، 15 بردنەوە، 12 یەکسانبوون و حەوت شکستی تۆمارکردووە.

بارودۆخی یانەی شاهانە باش نییە و لە چامپیۆنزلیگ کرانە دەرەوە، لەو رۆژەوە پێگەی کارلۆ ئەنچیلۆتی راهێنەر گومانی زۆری لەسەرە و دەوترێت دووردەخرێتەوە.

بۆ ئەم یارییەش ئەنچیلۆتی لە تواناکانی ئێمباپێ، مێندی، کارڤاخال و میلیتاو بێبەشدەبێت.

لە بەرامبەردا ئێرنێستۆ ڤالڤێردی راهێنەری بلباو لە تواناکانی تەنیا بێرچیچی بێبەشدەبێت.

پێکهاتەی پێشبینیکراوی ریاڵ مەدرید:

کۆرتوا

ئەسێنسیۆ، ڤاڵڤێردی، رودیگێر، ڤازکێز

سیبایۆس، بێلینگهام، کاماڤینگا

ڤینیسیۆس، ئیندریک، دیاز

پێکهاتەی پێشبینیکراوی ئەتلەتیک بلباو:

سیمۆن

گۆرۆسابێل، ئەلڤارێز، ڤیڤیان، بۆیرۆ

خوارێگیزار، سانسێت، پرادۆس

ئینیاکی ویڵیامز، سانادی، نیکۆ ویڵیامز