ئێران پێشوازی لە بڕیاری خۆهەڵوەشانەوە و چەکدانانی پەکەکە دەکات و بە هەنگاوێکی گرنگ بۆ چەسپاندنی ئاسایش و سەقامگیری لە تورکیا و ناوچەکەی دادەنێت.

ئیسماعیل بەقائی، گوتەبێژی وەزارەتی دەرەەی ئێران ئەمڕۆ سێشەممە 13ـی ئایار بە میدیای فەرمیی وڵاتەکەی راگەیاند، بڕیارەکەی پەکەکە هەنگاوێکی گرنگە بە ئاراستەی وازهێنان لە توندوتیژی و چەسپاندنی ئاسایش و سەقامگیری.

بەقائی هیواشی خواستووە، ئەم هەنگاوەی پەکەکە ببێتە هۆی چەسپاندن و بەرقەراکردنی ئارامی و ئاسایش لە تورکیا و ناوچەکەدا.

رۆژی دووشەممە 12ـی ئایاری 2025، پارتی کرێکارانی کوردستان "پەکەکە" راگەیەندراوی کۆتایی کۆنگرەی 12ی بڵاوکردەوە، کە تیایدا بڕیاری خۆهەڵوەشاندنەوە، چەکدانان و کۆتاییهێنان بە هەموو چالاکییەک بە ناوی پەکەکەوە راگەیاند.