لە ساڵیادی دامەزراندنی خەڵاتی بەریتانیی "دەستپێشخەریی ناوازە و گەورە"، خانمە نووسەرێکی وڵاتەکە ستایشکرا و خەڵاتەکەی ئەمساڵی پێبەخشرا.

خەڵاتی دەستپێشخەریی ناوازە و گەورەی بەریتانی، یەکێکە لە دیارترین ئەو خەڵاتانەی ساڵانە بە دیارترین کەسایەتییەکانی وڵاتەکە دەبەخشرێن، ئەمساڵ لە خانەی خەڵاتی ئەدەبیی خانماندا، ستایشی خانمە نووسەر و چالاکوان بێرناردین ئێڤاریستۆی کرد.

ئێڤاریستۆ، براوەی خەڵاتی بوکەرە بۆ رۆمانی "Girl, Woman, Other"، هاوکات دەیان ساڵە کار دەکات بۆ جەختکردنەوە لە یەکسانیی کۆمەڵایەتیی و هەمەچەشنیی رەگەزیی لە چوارچێوەی ئەدەب و هونەردا.

وێڕای بەخشینی نازناوەکە، ئێڤاریستۆ بڕی 100 هەزار پاوەندی بەریتانیی پێدەبەخشرێت و پەیکەرێکی تایبەتیشی بۆ دروستدەکرێت کە تایبەتە بە خەڵاتەکە و لە ماوەی داهاتوودا، بڕیارە ژمارەیەک سیمیناری تایبەت سەبارەت بە کارەکانی رێکبخات.