یانەی سیروانی نوێ یاریی چوونى قۆناغی چوارگۆشەی زێڕینی گەیشتن بە خولی پلەدووەکانی عێراق ئەنجامدەدات و ئه‌مڕۆ دووشەممه‌ کاتژمێر 17:00 ده‌بێته‌ میوانی یانەی رەد.

قۆناغى چوارگۆشه‌ى زێرین له‌ دوو یاریی پێكهاتووه‌، رۆژى 28ـى ئه‌م مانگه‌ له‌ یاریگاى زانكۆ سیروانى نوێ میوانداریی رەد ده‌كاته‌وه‌ .

به‌ پێى سیستمى لیژنه‌ى پێشبڕكێكان له‌ فیدراسیۆنى تۆپى پێى عێراق براوه‌ى ئه‌نجامى هه‌ردوو یارییه‌كه‌ ده‌گاته‌ خولى پله‌ دووى یانه‌كانى عێراق بۆ وه‌رزى داهاتوو.