بەڕێوەبەرایەتیی گشتیی ژمێریاریی سەربازیی سەربە وەزارەتى پێشمەرگە رایگەیاند؛ بەهۆى پشووى فەرمییەوە، دابەشکردنى هاوکاریی دارایی ئەفسەر و پلەدار و پێشمەرگەکان بۆ رۆژی دووشەممە دواخراوە.

ئاماژە بەوەشکراوە، بەهۆی ئەوەی رۆژی یەکشەممە شەشى تەمموز کە هاوکاتە لەگەڵ رۆژى عاشورا لە بانکی ناوەندیی عێراق پشووی فەرمییە، دابەشکردنی هاوکاریی دارایی ئەفسەر و پلەدار و پێشمەرگەکان، کە لە پرۆسەی هەژماری من بەشدارن، بۆ رۆژی دووشەممە حەوتى تەمموز دواخراوە.

بەڕێوەبەرایەتیی گشتیی ژمێریاریی سەربازیی سەربە وەزارەتى پێشمەرگە راشیگەیاندووە، لە رۆژی دووشەممە 7ـى تەمموز بڕی هاوکاریی هێزەکانی هاوپەیمانان دەخرێتە سەر هەژمارەکانیان و دەتوانن سەردانی ئامێرەکانی راکێشانی پارە (ATM) بکەن بۆ وەرگرتنی.

بۆ ئەم مانگە، 64 هەزار و 244 ئەفسەر و پلەدار و پێشمەرگە بە سیستمی پرۆژەی هەژماری من، هاوکاریی هاوپەیمانان وەردەگرن.