لە ماوەی دووگیانیدا خانمان پرسیاری زۆریان بۆ دروستدەبێت سەبارەت بەو خۆراکانەی کە پێویستە زیاتر بیانخۆن و ئەوانەشی کە پێویستە لێیان بە دوور بن، لە بڵاوکراوەیەکدا، د. کەژان کاوە تەها، پسپۆڕی نەشتەرگەری و نەخۆشییەکانی ژنان و منداڵبوون و نەزۆکی، چەند خۆراکێکی خستووەتەڕوو کە پێویستە خانمانی دووگیان لێیان بەدووربن.

ئەو خۆراکانەش بریتینلە:

• خواردنە دەریاییەکان: سەرەڕای ئەوەی خواردنە دەریاییەکان دەوڵەمەندن بە پڕۆتین، بەڵام هەندێک جۆری ماسی بە شێوازێکی مەترسیدار جیوەیان تێدایە، ئەم جیوە زۆرەش زیان بە سیستمی دەماریی گەشەسەندووی منداڵ دەگەیەنێت
• ڤیتامین ئەی: ئەو خۆراکانەی بڕێکی زۆر لە ڤیتامین Aـیان تێدایە وەکو جگەر، دەبنەهۆی کەموکوڕیی لەدایکبوون، هەربۆیە پێویستە خانمانی دووگیان خۆیان لەم خۆراکانە بەدوور بگرن
• خۆراکی کەم کوڵاو: بۆ خۆپاراستن لە نەخۆشییە گوازراوەکان، گرنگە ئەم خانمانە دووربن لە خۆراکی خاو و کەمکوڵاو
• سەوزەی نەشۆراو: دوورکەوتنەوە لە سەوزە و میوەی نەشۆراو، لەپێناو نەهێشتنی بەکتریا زیانبەخشەکان. گرنگە سەوزە و میوەکان بە باشی بشۆررێنەوە
• کافاین: کاریگەرییەکانی کافاین لەسەر کۆرپەلە روون نین، بەڵام بۆ دڵنیابوون لە سەلامەتیی کۆرپەلە، لەوانەیە پزیشکان پێشنیازی ئەوە بکەن کە لە ماوەی دووگیانیدا خانمان خۆیان لە خواردنەوەی کافاین بەدوور بگرن