قوباد تاڵەبانی، جێگری سەرۆکی حکومەتی هەرێمی کوردستان بە بۆنەی کۆچی دوایی ڕۆژنامەنووس لاناز کوردۆوە، پەیامێکی سەرەخۆشیی ئاراستەی بنەماڵە و هاوپیشەکانی دەکات.

هاوخەمی بۆ کۆستێکی گەورە

قوباد تاڵەبانی لە پەیامێکدا هاوخەمیی قووڵی خۆی بۆ کۆچی دوایی ڕۆژنامەنووس لاناز کوردۆ دەردەبڕێت و ڕایدەگەیەنێت: "زۆر دڵگران و خەمبار بووین بە هەواڵی کۆچی دوایی ڕۆژنامەنووس خاتوو لاناز کوردۆ".

پرسە و هاوبەشیی خەم

جێگری سەرۆکی حکومەت بەم بۆنە خەمناکەوە، پرسە و سەرەخۆشیی خۆی ئاراستەی بنەماڵە، کەسوکار و هاوپیشەکانی خاتوو لانازی "جوانەمەرگ" دەکات و جەخت لەوە دەکاتەوە کە هاوبەشی خەمیانە.

دوعا بۆ کۆچکردوو

لە کۆتایی پەیامەکەیدا، قوباد تاڵەبانی لە خوای گەورە داواکارە گیانی کۆچکردوو بە بەهەشتی بەرین شاد بکات و سەبووری و ئارامی بە هەموو لایەک ببەخشێت.