مەسعود بارزانى لەگەڵ کونسوڵى گشتى فەڕەنسا کۆبووەوە
مەسعود بارزانى، سەرۆکى پارتى دیموکراتى کوردستان، ڕایگەیاند، فەڕەنسا ڕۆڵى بەرچاوى لە مێژووى بزافى ڕزگاریخوازى میللەتى کوردا هەبووە.
تاوتوێکردنی بارودۆخی سیاسی و ئاڵۆزییەکانی ناوچەکە
ئەمڕۆ سێشەممە، 9ـى حوزەیرانى 2026، مەسعود بارزانى، سەرۆکى پارتى دیموکراتى کوردستان، لەگەڵ یان برێم، کونسوڵى گشتى فەڕەنسا لە هەرێمى کوردستان کۆبووەوە و لە کۆبوونەوەکەدا، بارودۆخى سیاسیی و ئاڵۆزییەکانى ناوچەکە بە گشتى و پڕۆسەى سیاسیی لە عێراق و ناوخۆى هەرێمى کوردستان گفتوگۆیان لەبارەوە کرا.
جەختکردنەوە لە پەیوەندییە مێژووییەکانی فەرەنسا و هەرێمی کوردستان
هاوکات لە دیدارەکەدا، سەرۆکى پارتى دیموکراتى کوردستان، جەختى لە بەردەوامى ئەو پەیوەندییە گرنگ و مێژووییە کردەوە کە لەنێوان هەرێمى کوردستان و فەڕەنسا هەیە، هاوکات ئاماژەى بەوەکرد، فەڕەنسا ڕۆڵى بەرچاوى هەبووە لە مێژووى بزافى ڕزگاریخوازى گەلى کوردستاندا و ڕۆڵى فەڕەنسا لە گشت قۆناغە مێژووییەکانى گەلى کوردستان بە گرنگ وەسفکرد.
3 کاتژمێر پێش ئێستا