ئەنجوومەنى وەزیرانى عێراق، بڕیاریدا بە بەردەوامبوونی کارکردن بە دانانی ئەو داهاتانەی لە هەناردەکردنی بەرهەمە نەوتییەکانەوە بەدەستدێن لەناو هەژماری کراوەی وەزارەتی دارایی کە بۆ ئەم مەبەستە تەرخانکراوە.

پەسەندکردنی ڕێککەوتنامەی نێوان عێراق و ئیسپانیا

لە کۆبوونەوەى ئاسایى ئەنجوومەنى وەزیرانى عێراقدا ژمارەیەک بڕیارى دیکە دراون، لەوانە پەسەندکردنى پڕۆژەیاسای ڕێککەوتننامەیەکی نێودەوڵەتیی نێوان عێراق و ئیسپانیا بۆ هاوکاری لە بواری ئاسایش و بەرەنگاربوونەوەی تاوان.

پەسەندکردنی هەمواری یاسای کێبڕکێ و ڕێگری لە قۆرخکاری

لە بڕگەیەکى دیکەدا ئەنجومەنی وەزیران پڕۆژەیاسای هەمواری یەکەمی یاسای کێبڕکێ و ڕێگری لە قۆرخکاری پەسەند کردووە و ڕەوانەی ئەنجوومەنی نوێنەرانی کردووە.