بەڕێوەبەری کۆمپانیای گشتیی بۆ پرۆسێسی دانەوێڵە لە وەزارەتى بازرگانیى عێراق رایگەیاند، لە رێگەى کارگەیەکەوە رۆژانە سێ هەزار تۆن ئارى سفر بەرهەمدەهێنرێت، کە بەو هۆیەوە 40% هاوردەکردنى ئاردى سفر بۆ عێراق کەمبووەتەوە.

موحسین نامیس، بەڕێوەبەری گشتی کۆمپانیای گشتی بۆ پرۆسێسی دانەوێڵە لە وەزارەتى بازرگانى ئاماژەی بەوەكردووە، بەرهەمى ئاردى سفر 100% عێراقییە، هەروەها لەلایەن کوالیتی کۆنترۆڵ و تاقیگەی پرۆسێسکردنی دانەوێڵە و وەزارەتی تەندروستی پشکنینی بۆ کراوە و جیاوازە لە بەرهەمی هاوردەکراو.

موحسین نامیس دەڵێت، "عێراق ساڵانە دوو ملیۆن و 500 هەزار تۆن ئاردی پلە سفر هاوردە دەکات، واتا توانای بەرهەمهێنانی ئێستا 40%ـی کۆی پێویستی عێراق بۆ ئاردی پلە سفر دابین دەکات".

ئەو بەرپرسەى وەزارەتى بازرگانى ئەوەشى روونکردەوە، لەگەڵ زیادبوونی بەرهەمهێنان قۆناغ بە قۆناغ دابینکردنی پێداویستی ناوخۆیی پڕدەکەنەوە.