به‌ شێوه‌یه‌كى فه‌رمیى فیدراسیۆنی ئینگلتەرا دەستلەکارکێشانەوەی ساوسگەیتى لە پۆستی ڕاهێنەری هەڵبژاردەی سێ شێره‌كه‌ راگه‌یاند، ئەمەش دوای ئەوەی تیپەکە پلەی دووەمی لە جامى یۆرۆی 2024 بەدەستهێنا.

ساوسگەیت بۆ ماوەی 8 ساڵ (2016 -2024) راهێنەری یەکەمی هەڵبژاردەی ئینگلتەرا بووە، لەو ماوەیەدا لە102 یاریدا سەرکردایەتی هەڵبژاردەکەی کردووە و لە 61 یاریدا سەرکەوتنی بەدەستهێناوە و 24 یاری یەکسان بووە و 17 یاری دۆڕاندوە.

ساوسگەیت لەگەڵ هەڵبژاردەی ئینگلتەرا دووجار لەسەر یەک هەڵبژاردەكه‌ى گەیاندە یاریی كۆتایی جامى ئەوروپا، هه‌ردوو جاره‌كه‌ش پله‌ى دووه‌میان به‌ده‌ستهێنا، له‌ جامى جیهانى ساڵى 2018 سەرکەوت بۆ قۆناغی پێشکۆتایی و پله‌ى چواره‌مى بۆ هه‌ڵبژارده‌كه‌ى به‌ده‌ستهێنا.