لەرووداوێکی ئاگرکەوتنەوەدا لە باڵەخانەیەکی نیشتەجێبوون لەفەڕەنسا، حەوت کەس گیانیانلەدەستدا و سێ کەسی دیکەش برینداربوون.

ئاژانسی فرانس پرێس بڵاویکردووەتەوە، ئاگر لەناو باڵەخانەیەکی نیشتەجێبوون لەشارى نیسی فەڕەنسا کەوتووەتەوە و حەوت کەس گیانیانلەدەستداوە.

بەرگری شارستانی فەڕەنسا رایگەیاندووە، "هۆکارى کەوتنەوەی ئاگرەکە نەزانراوە و سەرەڕای هەوڵەکان بۆ کۆنتڕۆڵکردنەوەی ئاگرەکە، بەڵام بەداخەوە حەوت کەس گیانیانلەدەستداوە".

ئاماژەبەوەشکراوە، سێ کەسی دیکە لە رووداوەکەدا برینداربوون، کە برینی دوو کەسیان سەختە.

25 ئۆتۆمبێلی ئاگرکوژێنەوە و 72 ئەندامی بەرگریی شارستانی، بەشدارییان لە کۆنتڕۆڵکردنی ئاگرەکەدا کردووە.