کەشناسیی هەرێمی کوردستان رایگەیاند، ئەمڕۆ و سبەی پلەکانی گەرما نزمدەبنەوە و لە حاجی ئۆمەران پلەی گەرما بۆ خوار 30 پلە دادەبەزێت.

بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینیی کەشوهەوای 48 کاتژمێری داهاتووی بڵاوکردەوە و رایگەیاند، ئەمڕۆ هەینی 26ـی تەمووزی 2024، ئاسمان ساماڵ دەبێت، لەگەڵ بوونى تۆزێکى سووک لەهەوادا و پلەکانی گەرما بەراورد بە دوێنێ نزمدەبنەوە.

ئاماژەی بەوەشکردووە، سبەی شەممە 27ـی تەمووزی 2024، ئاسمان ساماڵ دەبێت، لەگەڵ بوونى تۆزێکى سووک لەهەوادا و پلەکانی گەرماش زیاتر نزمدەبنەوە.

بەگوێرەی پێشبینیی کەشناسی، سبەی بەرزترین پلەکانی گەرما لە بەشێک لە ناوچەکانی هەرێمی کوردستان بەمجۆرە دەبن:

هەولێر: 42

سلێمانی: 40

دهۆک: 40

کەرکوک: 44

هەڵەبجە: 41

زاخۆ:41

سۆران: 39

حاجی ئۆمەران: 29

گەرمیان: 44