پەیامی نێچیرڤان بارزانی لە یادی 240 ساڵەی بنیادنانی سلێمانیدا
سەرۆكی هەرێمی كوردستان لە پەیامێكدا لە یادی بنیادنانی شاری سلێمانی رایگەیاند، له مێژووى كولتوورى و سياسيى گه‌لى كوردستاندا، سلێمانى ناوێكى ديار و كاريگه‌ره و هه‌ميشه جێى رێز و پێزانين و مايه‌ى شانازيى گه‌لى كوردستان بووه.
نێچیرڤان بارزانی، سەرۆكی هەرێمی كوردستان لە پەیامەكەیدا ئاماژەی بەوەكردووە، "يادى 240 ساڵه‌ى بنياتنانى سلێمانى، پایته‌ختی رۆشنبيرى، شاری ئه‌ده‌ب و هونه‌ر، شارى هه‌ڵمه‌ت و قوربانى، به گه‌رمى له ته‌واوى خه‌ڵكى ئازيزى شار، پيرۆز ده‌كه‌م و هيواى سه‌ركه‌وتنيان بۆ ده‌خوازم".
ئاماژەی بەوەشكردووە، " له مێژووى كولتوورى و سياسيى گه‌لى كوردستاندا، سلێمانى ناوێكى ديار و كاريگه‌ره و هه‌ميشه جێى رێز و پێزانين و مايه‌ى شانازيى گه‌لى كوردستان بووه".
سەرۆكی هەرێمی كوردستان باسی لەوەشكردووە، "هيواى به‌رده‌واميى گه‌شه و ئاوه‌دانى، پێشكه‌وتنى زياتر و ئارامى و سه‌قامگيرى بۆ سلێمانى و هه‌موو شار و ناوچه‌كانى كوردستان ده‌خوازم".
ئەمڕۆ لە شاری سلێمانی، یادی 240 ساڵەی دامەزراندنی شارەكە دەكرێتەوە و چەندین جۆر چالاكی ئەنجامدەدرێن.
14/11/2024