Bi gumana endametiya PKKê 147 kes hatin biçavkirin 

Hêzên Ewlekariya Tirkiyê li 41 parêzgehên Bakurê Kurdistan û Tirkiyê operasyonek bi navê  “Gurz-37” pêk anîn û di encama de 147 kes bi gumana endamtiya PKKê ve binçav kirin.

Wezîrê Navxwe yê Tirkiyê Ali Yerlîkaya  li ser hesaba xwe ya Xê nivîsand, bi hevahengiya Serokatiya Odeya Dijî Terorê û Serdozgeriyên Komarê, li 41 parêzgehan operasyon bi navê  “Gurz-37” hate pêkanîn û di encamê de 147 kes bi gumana endamtiya PKK’ê hatine binçavkirin .

Yerlîkaya diyar kir, di operasyona Gurz-37ê de ku ev 10 roj in li dijî  PKKê berdewam dike, 147 gumanbar binçavkirine û ji wan jî 30 kes hatine girtine,17 bi merc hate berdan û derbarê kesên din de jî lêkolîn berdewam dike.