SOHR: HSDê û Hevpeymaniya Navdewletî 4 çekdarên DAIŞê kuştin

SOHRê derbarê liv û tevgerên çekdarên DAIŞê yên Rojavayê Kurdistanê daxuyaniyek da û da diyarkirin, çekdarên ku xwe amade dikirin êrişî girtîgehên DAIŞ’iyan bikin ji aliyê HSDê û Hevpeymaniya Navdewletî ve hatin kuştin.

Hêzên Sûriya Demokratîk (HSD) û Hevpeymaniya Navdewletî şaneyeke DAIŞê ya li Hesekeya Rojavayê Kurdistanê kuşt.

Riwangeha Mafê Mirovan ya Sûriyê (SOHR) destnîşan kir, HSDê û hevpeymaniyê operasyonek li gundê Beko yê gundewarên Hesekê pêk anîn û bi ser cihê şaneyeke DAIŞê de girtin.

Li gorî agahiyên riwangehê, çekdaran li ber xwe daye û di encama şer de 4 çekdar ku yek ji wan serkirde ye hatine kuştin.

Bi gotina riwangehê ew çekdarên ku ji aliyê Serêkaniyê ve derbasî herêma Rêveberiya Xweser bûbûn û plan dikirin êrîşî girtîgeha Sînaa ya bi hezaran çekdarên DAIŞê di tê de ne, bikin.