Fermandarê HPG’ê Murat Karayilan got, “Divê dewleta Iraqê dev ji van kiryarên xwe yên li dijî Mexmûrê berde, ev ne kiryarên exlaqî û mirovî ne.”

Fermandarê Hêzên Parastina Gel (HPG) Murat Karayilan derbarê mijarên di rojevê de axivî.

Karayilan derbarê dorpêça li ser Mexmûrê axivî û got, “Eger dorpêça Mexmûrê bidome em dê midaxaleyê bikin û Gerîlayan bişînin wir.”

Fermandarê HPG’ê Murat Karayilan bal kişand şerê gelê Mexmûrê yê li dijî DAIŞ’ê û got, “Di wê pêvajoyê de dewleta Iraqê ne li wir bû, her kes reviya lê gelê Mexmûrê li wir ma. Yên ku wê demê ji wê derê reviyan, niha hatine bi zextê û rêbazên cuda re bi awayekî neheq dixwazin li wê derê serwer bin.”

Di berdewamiyê de Karayilan wihapê de çû: Em dizanin ku gelek pirsgirêkên dewleta Iraqê hene. Dewletên derdor bi awayekî hewl didin van bixin kontrola xwe û di nava wan de tevdigerin. Ew jî qet şerm nakin û bi ev qas leşkeran re diçin derdora Mexmûrê digirin. Me sengerên xwe radestî artêşa Iraqê kir û ji wê derê vekişiyan. Bi rastî jî em ne li bendê bûn ku wiha nêz bibin.Wan jî wê demê got, ‘Temam em ê vî gelî biparêzin, ew mêvanên me ne.’ Em niha dipirsin, ‘Hûn wiha nêzî mêvanên xwe dibin?’ Çi dikin? Dorpêç kirine, ambargoyê pêk tînin; nexweşan bêyî destûr naşînin ji bo tedawiyê; destûr nadin ku pêdîwiyên xwe pêşwazî bikin. Li ser van hemûyan jî niha hatine dibêjin, ‘Em ê derdora wargehê têl bikin.’ Yanî dixwazin bikin kampa êsîran. Ma hûnê gelê Mexmûrê yê berxwedêr û birûmet êsîr bigirin? Ne şerm e. Ma hêza we têra wan dike?

Karayilan da zanîn eger Iraq vê helwesta xwe ya dorpêçkirinê bidomîne, ew dê dîsa mudaxileyê wê derê bikin û dîsa gerîlayan bişînin wê derê.